AKTUEL

Xeberê peyênî

• CPJ: Rojnamewanan bi ‘terorîzmî’ sûcdar mekerê 

  Komîteya Pawitişê Rojnamewanan, venga dewleta tirke da ke wa xebatkaranê çapemenîye bi ‘terorîzmî’ sûcdar nêkera û rojnamewanê tepîşteyan vera bida.
• Marsîlya de tecrîdê Îmraliyî ame protestokerdene 

  Ciwananê kurdan Marsilya de bi rayraşîyayîşê meşaleyinî tecrîdê serê Rayberê Şarê Kurdî Abdullah Ocalanî protesto kerd
• Dewleta Îranî sîyasetmedaro kurd Ahmadî îdam kerd 

  Sîyasetmedaro kurd û aktîvîst Serkut Ahmadî yo ke di serrî yo Zîndanê Qefilnayeyî yê Kirmaşanî de yeno tepiştene, hetê dewleta Îranî ra ame îdamkerdene.
• Kayê rantî yê AKPyî reyna dewre de yê 

  Îqtîdarê AKP-MHPyî ke erdlerzê Erdîş û Wanî bi bananê TOKÎ açarna rantî, keno ke eynî senaryoyî 11 bajaranê bînan ê ke erdlerzê payênî da piro, tîya de bido domnayene.
• Taxa Gazî ya Îstanbulî de nimûneyê paştîdayîşî 

  Felaketa erdlerzî ra dima Taxa Gazî ya Îstanbulî de nimûneyê paştîdayîşî ame vînayene. Wexto ke tay mexdûrê erdlerzî koçê taxe kenê, zerrîwazê hetkarî kampayayêka xurte virazenê.
• Nîjadperestê ke hêrişê HDPyî kerd serbest ame veradayene 

  Hêrişkar Mehmet Beyazito ke hêrişê bînaya HDPyî kerd, hetê dadgerîye ra serbest ame veradayene.
• Şaredar û qeyûmanê xespkeran rê gerreyê sûcî  

  Avûkatanê Mardînî gerreyê şaredar û qeyûman kerd ke erdlerzî tesîrê bajarê înan kerdo. Nînan mîyan de 2 qeyûmî û 132 şaredarî est ê.
• Keyeyê Şenyaşaran: Ê do yew bi yew bêrê muhakemekerdene! 

  Keyeyê Şenyaşaran ke merdimê înan ameybî qetilkerdene, dîyar kerd ke wexto ke îqtîdar bibedilîyo, kesê ke xo peyê Erdoganî de xo niminenê, do yew bi yew bêrê muhakemekerdene.
• Amed de heywanan ser o bîna yena rijnayene! 

  Amed de Awanîyanê Dîyar Galerîya de, êyê ke pay ra mendî û xesaro giran girewto, yeno zanayene ke tede sey pisînge, kutik û milçîke heywanê kedîyî est ê, nê awanîyî ê heywanan ser o yenê rijnayene.
• Platformê Vengê Tepîşteyan seba hetkarî veng da 

  Platformê Vengê Tepîşteyan dîyar kerd ke bi des hezaran tepîşte û merdimê înan tesîrê erdlerzî de mendê û seba ke merdimê tepîşteyan bieşkîyê cuya xo dewam bikerê, vendayîşê hetkarî kerd.
• Koç: îqtîdar aciz û bêçare mend 

  Parlamenterê HDPyî yê Agirî Abdullah Koçî ard ziwan ke, xebatê zerrîwaz û rêxistinanê sivîlan vejenê meydan ke îqtîdar çend aciz û bêçare mendo.
• Şarê Hatayî tewr zaf çadiran wazeno 

  Bi erdlerzê Samadag û Defne yê Hatayî bêçareyîya mexdûranê erlerzî bîye di qatî. Hewcedarîya înan a tewr girde çadir a.
• Grûba Viyana Nobeta Azadîye dewr girewte 

  Nobeta Azadîye ya ke semedê Rayberê Şarê Kurdî Abdullah Ocalanî Strasbourg de yena domnayene, hetê grûba Viyana ra ameye dewrgirewtene.
• Amed de bi girdîya 4î erdlez qewimîya 

  Qezaya Pîranî ya Amedî de bi girdîya 4î Erdlerz qewimîya.
• Erdogan ame Hatay la şarê Hatayî o nêdî 

  Parlamenterê HDPyî Alî Kenanogluyî dîyar kerd ke Erdogan ame Hatay la şarî o nêdî û vat, ‘‘Seba ey rayîrî ameybî girewtene, barîkatî ameybî ronayene.’’
• ECDC: Beno ke herêmanê erdlerzî ra jan vila bibo 

  Merkezê Vernîgirewtişê Nêweşîyan û Kontrolî yê Ewropa (ECDC) dîyar kerd ke herêmanê erdlerzî ra beno ke nêweşîyê janî vila bibê.
• Nîjadperestêkî hêrişê HDPyî kerd, walîtîye cade hêrişkar pawit 

  Îstanbul de gama ke nîjadperestêkî hêrişê bînaya HDPyî kerdêne ame astengkerdene. Walitîye cade seba ke nîjadperestî bixelisno vat; ''Problemê ci yê psîkolojîkî est ê.''
• 'Wa ziwanê kurdkî bibo ziwanê perwerdeyî' 

  Xeylêk bajaranê Vakurê Kurdîstanî û Tirkîya de bi wesîleya 21ê Sibate Roja Ziwanê Dayîke ya Dinya, ame vengdayene ke wa kurdî wayîrê ziwanê xo bivejîyê û seba ke kurdkî bibo ziwanê perwerdeyî, wa têkoşîn bêro xurtkerdene.
• HDPyî vera îşkenceyê Hatayî gerre kerd 

  Komîsyonê Heqanê Merdiman û Huqûqî yê HDPyî û avûkatanê partî vera îşkenceyê Îskenderûnî, oyo ke 10 kesan rê amebi kerdene, gerre kerd.
• 'Semsûr de mi dewlete nê, qicê kurdan dîyî' 

  Ahmet Guno ke sey zerrîwazî Şirnexî ra semedê hetkarî ameyo Semsûr vat: ''Mi Semsûr de dewlete nêdî, qicê kurdan dîyî.''
• 'Wa Çewlîg sey herêma afate bêro îlankerdene' 

  Badê erdlerzê Mereşî heme pîsporî vanê ke ê Çewlîg de erdlerzê girdî pawenê. Coka şarê Çewlîgî çend rojî yo bi tagê #BingölAFETbölgesiilanedilsin (Wa Çewlîg sey herêma afate bêro îlankerdene) gazî keno.
• KCK: Ma wayîrê têkoşînê xo yê ziwan û perwerdeyî bivejîyê 

  Komîteya Perwerdeyî ya KCKyî bi wesîleya Roja Ziwanê Dayîke ya Cîhanî eşkerayîye daye û vat: ‘‘Ewro, ma her wextî ra zafêr wayîrê têkoşînê xo yê estbîyayîş, nasname, ziwan, perwerde û huqûqî bivejîyê.’’
• KJK: Ganî her keye bibo mektebê kurdkî 

  Komîteya Perwerdeyî ya KJKyî vat: '' Ganî her keyeyê kurdan bi zanayîşê 'ziwan nasname û estbîyayîşê ma yo' keyeyê xo biaçarno mektebê kultur û ziwanê kurdkî.''
• Erdlerzê Hatayî de 6 kesan dinyaya xo bedilnaye 

  Hatay de bîn şewe têdima di erdlerzî bîyî, 6 kesan dinyaya xo bedilnaye û 18ê înan bi giranî 294 kesî birîndar bîyî.
• Amed de perwerdeyê ziwanê kurdkî dewam kenê 

  Komeleya MEDDERî ke Amed de xebatanê ziwan û kulturî kena, rîyê erdlerzî ra mabên daybî ders û atolyeyan. Hetêk ra birînê erdlerzî yenê piştene hetêk ra zî perwerdeyî do reyna dest pêbikerê.